“સેવાનો સેતુ, અન્નનો સંદેશ” સાથે જરૂરિયાતમંદ પરિવારો સુધી પહોંચશે અનાજ કીટ
Ishani Foundation
અમદાવાદ, સમાજમાં માનવતા, સેવા અને સહકારની ભાવનાને વધુ મજબૂત બનાવવા માટે ઇશાની ફાઉન્ડેશન દ્વારા તેના પ્રથમ સામાજિક અભિયાન “ઇશાની અન્નસેતુ 2026” ની શરૂઆત કરવામાં આવી છે. “સેવાનો સેતુ, અન્નનો સંદેશ” થીમ સાથે શરૂ થયેલું આ અભિયાન આર્થિક રીતે નબળા અને જરૂરિયાતમંદ પરિવારોને એક મહિનાનું અનાજ ઉપલબ્ધ કરાવવાના ઉદ્દેશ સાથે શરૂ કરવામાં આવ્યું છે.
વર્તમાન સમયમાં મોંઘવારી અને આર્થિક મુશ્કેલીઓ વચ્ચે અનેક પરિવારો માટે રોજિંદા જીવનની જરૂરિયાતો પૂરી કરવી મુશ્કેલ બની રહી છે. આવી પરિસ્થિતિમાં ઇશાની ફાઉન્ડેશન દ્વારા અનાજ કીટ વિતરણની આ પહેલ સમાજના જરૂરિયાતમંદ વર્ગ માટે આશાનું કિરણ બની રહેશે.
ફાઉન્ડેશન દ્વારા તૈયાર કરવામાં આવેલી એક વિશેષ અનાજ કીટમાં ચોખા, ઘઉંનો લોટ, દાળ, તેલ, ખાંડ, મસાલા તેમજ રોજિંદી જરૂરી વસ્તુઓનો સમાવેશ કરવામાં આવ્યો છે. આ કીટ અંદાજે બે થી ત્રણ વ્યક્તિના પરિવારને એક મહિના સુધી પૂરતું અનાજ પૂરું પાડે છે. એક કીટનું દાન મૂલ્ય રૂપિયા 2100 નક્કી કરવામાં આવ્યું છે.
આ અભિયાનની સૌથી વિશેષ બાબત એ છે કે દાતાઓ દ્વારા આપવામાં આવતી દરેક કીટનું વિતરણ તેમના નામથી જ કરવામાં આવશે. સાથે જ પારદર્શિતા જળવાઈ રહે તે માટે ફોટો અને વિડિયો દ્વારા વિતરણની માહિતી પણ દાતાઓ સુધી પહોંચાડવામાં આવશે.
ઇશાની ફાઉન્ડેશનના ટ્રસ્ટી શ્રી ફાલ્ગુન ઠક્કરે જણાવ્યું હતું કે, “ઇશાની અન્નસેતુ 2026 એ માત્ર એક અભિયાન નથી, પરંતુ સમાજને જોડવાનો એક પ્રયાસ છે. દરેક વ્યક્તિની નાની મદદ પણ કોઈના જીવનમાં મોટો બદલાવ લાવી શકે છે. જો આપણે સૌ સાથે મળીને કાર્ય કરીએ તો અનેક પરિવારોના ચહેરા પર ખુશી લાવી શકીએ છીએ.”
ટ્રસ્ટી શ્રી આરતી પટેલે જણાવ્યું હતું કે, “માનવ સેવા એ જ સાચી સેવા છે. સમાજના સક્ષમ લોકો અને જરૂરિયાતમંદ પરિવારો વચ્ચે એક મજબૂત સેતુ ઊભો કરવાનો અમારો પ્રયાસ છે. અમે ઇચ્છીએ છીએ કે કોઈ પરિવાર માત્ર આર્થિક તંગીના કારણે ભૂખ્યો ન રહે.”
ટ્રસ્ટી શ્રી ધારા ઠક્કરે જણાવ્યું હતું કે, “આ ઇશાની ફાઉન્ડેશનનું પ્રથમ અભિયાન છે અને અમને વિશ્વાસ છે કે સમાજનો સહયોગ જરૂર મળશે. દરેક દાતા માત્ર અનાજ જ નહીં પરંતુ આશા, વિશ્વાસ અને માનવતાનો સંદેશ પણ પહોંચાડશે.”
ફાઉન્ડેશને વેપારીઓ, ઉદ્યોગપતિઓ, સામાજિક સંસ્થાઓ, યુવાનો અને સેવાભાવી નાગરિકોને આ અભિયાનમાં જોડાવા માટે અપીલ કરી છે. એક કીટ, ત્રણ કીટ, પાંચ કીટ અથવા દસ કીટના દાન દ્વારા કોઈપણ વ્યક્તિ આ સેવાયજ્ઞમાં ભાગીદાર બની શકે છે.
ઇશાની ફાઉન્ડેશનનું માનવું છે કે સમાજમાં પરિવર્તન લાવવા માટે મોટા પ્રયત્નોની નહીં પરંતુ સારા ઈરાદા અને સહયોગની જરૂર હોય છે. “ઇશાની અન્નસેતુ 2026” એ આવી જ એક શરૂઆત છે, જેનો ઉદ્દેશ માત્ર અનાજ પહોંચાડવાનો નથી, પરંતુ સમાજમાં સહકાર અને સંવેદનશીલતાની ભાવનાને વધુ મજબૂત બનાવવાનો છે.
વધુ માહિતી માટે:
📞 +91 6359 666 315 | +91 7046 213 287
🌐 TheIshaniFoundation.com
ઇશાની અન્નસેતુ 2026
“સેવાનો સેતુ, અન્નનો સંદેશ”
ખુબ જ સુંદર અભિગમ છે આપનો.
શક્ય હોય તો બેન્ક ની વિગત મોકલી આપશો.